Қостанай облысы әкімдігі білім басқармасының «Жітіқара ауданы білім бөлімінің Тоқтаров негізгі орта мектебі» КММ
КГУ «Тохтаровская основная средняя школа отдела образования Житикаринского района» Управления образования акимата Костанайской области

Екінші дүниежүзілік соғыс басталғанда Қазақстаннан жүз­деген прокурор майданға өз еркімен аттанды. Олар жаумен шай­қаста нағыз батырлықтың үлгісін көрсетті. Алайда про­куратура қызметкерлерінің жеңіске қосқан үлесі, олардың тыл­дағы қажырлы еңбегі туралы екінің бірі біле бермейді. Сол себепті көпшілікке беймәлім тарихи тақырыпты қозғауды жөн көрдік.

Соғыс жылдарында прокурорлар да Отан қорғау жолында жан аямай шайқасты. Қаһарман прокурорлар арасында Кеңес Одағының батырлары бар. Атап айтсақ, олар – Нұркен Әбдіров, Мұса Баймұханов, Садық Әбдіжаппаров және халқымыздың мақтанышы, қолбасшы Бауыржан Момышұлы.

2025 жылдың қаңтарында Шығыс Қазақстан облысының Глубоков ауданына қарасты ірі орта мектептердің бірінде ерекше бастама қолға алынды. Аудандық прокуратура білім бөлімі мен мектеп әкімшілігінің белсенді қолдауымен өмірлік қиындыққа тап болған жасөспірімдерді өз қамқорлығына алды. Осылайша «Күш-бірлікте» деп аталатын көшбасшылар клубы дүниеге келді. Ең бастысы — 7–8-сыныптың 23 оқушысына жаңа тыныс ашылды. Күдіктеніп қарағаннан гөрі, сенім артты. Түзетуге тырысқаннан гөрі, қолдау көрсетті.